अमूक एक व्यक्ती मला कळली,असं केव्हा म्हणता येऊ शकतं? मला नाही वाटत असं तितक्या ठामपणे मला कधी म्हणता येईल.हातात आली म्हणता म्हणता सहज निसटून जाणार्या नात्यांना काय म्हणावं? तर्कसंगति कोलमडून पडावी अशी का वागतात माणसं? 'मला काही फ़रक पडत नाही', असं आपण स्वतःलाच पट्वून देणं अवघडच असतं. कधी भावविश्व दुखावले गेल्याने तर कधी अहंकार,अभिमान,स्व (काहीही म्हणा!) दुखावला गेल्याने आपल्या 'काही फ़रक पडत नाही' मध्ये काही दम नसतो.पण हे स्वीकारणं अवघड जातंच.आतून उठलेले तरंग इतक्या सहजी निवत नाहीत,लाटा होऊनच शांतावतात ते! या लाटेवर माझा अभिमान स्वार होऊ न देणं एव्हढंच सध्या बघायचं!